ასოცირებული პროფესორი - თინათინ მარგალიტაძე

თინათინ მარგალიტაძე, თბილისის ივანე ჯავახიშვილის სახელობის სახელმწიფო უნივერსიტეტის ევროპული ენებისა და ლიტერატურის ინსტიტუტის ინგლისური ფილოლოგიის დეპარტამენტის ასოცირებული პროფესორი, ჰუმანიტარულ მეცნიერებათა ფაკულტეტის სასწავლო-სამეცნიერო ცენტრის „ლექსიკოგრაფიული ცენტრი“ სამეცნიერო ხელმძღვანელი.

1982 წლიდან კითხულობს ლექციებს უნივერსიტეტის ინგლისური განყოფილების სტუდენტებისათვის.

ინგლისური ენის ისტორიის, გოთური ენისა და სემასიოლოგიის სპეციალისტი.

ლექსიკოგრაფი, 1997 წლიდან ევროპის ლექსიკოგრაფიული ასოციაციის წევრი.

1985 წლიდან დღემდე „დიდი ინგლისურ-ქართული ლექსიკონის“ (160 000 სიტყვა-სტატია) ერთ-ერთი შემდგენელი, რედაქტორი, მთავარი რედაქტორი.

1995 წლიდან დაიწყო ლექსიკონის ტომებად გამოცემა.

1 - „დიდი ინგლისურ-ქართული ლექსიკონი“, ტომი I, ასო A. თბილისი, 1995 წელი, 160 გვერდი;
2 - „დიდი ინგლისურ-ქართული ლექსიკონი“, ტომი II, ასო B. თბილისი, 1996 წელი, 180 გვერდი;
3 - „დიდი ინგლისურ-ქართული ლექსიკონი“, ტომი III, ასო C. თბილისი, 1996 წელი, 260 გვერდი;
4 - „დიდი ინგლისურ-ქართული ლექსიკონი“, ტომი IV, ასო D. თბილისი, 1996 წელი, 180 გვერდი;
5 - „დიდი ინგლისურ-ქართული ლექსიკონი“, ტომი V, ასო E. თბილისი, 1997 წელი, 130 გვერდი;
6 - „დიდი ინგლისურ-ქართული ლექსიკონი“, ტომი VI, ასო F. თბილისი, 1997 წელი, 170 გვერდი;
7 - „დიდი ინგლისურ-ქართული ლექსიკონი“, ტომი VII, ასო G. თბილისი, 1998 წელი, 145 გვერდი;
8 - „დიდი ინგლისურ-ქართული ლექსიკონი“, ტომი VIII, ასო H. თბილისი, 1998 წელი, 160 გვერდი;
9 - „დიდი ინგლისურ-ქართული ლექსიკონი“, ტომი IX, ასო I. თბილისი, 1999 წელი, 160 გვერდი;
10 - „დიდი ინგლისურ-ქართული ლექსიკონი“, ტომი X, ასოები J,K,L. თბილისი, 2001 წელი, 190 გვერდი;
11 - „დიდი ინგლისურ-ქართული ლექსიკონი“, ტომი XI, ასო M. თბილისი, 2003 წელი, 150 გვერდი;
12 - „დიდი ინგლისურ-ქართული ლექსიკონი“, ტომი XII, ასო N. თბილისი, 2006 წელი, 100 გვერდი;
13 -„დიდი ინგლისურ-ქართული ლექსიკონი“, ტომი XIII, ასო O. თბილისი, 2008 წელი, 125 გვერდი;

„დიდი ინგლისურ-ქართული ონლაინ ლექსიკონის“ მთავარი რედაქტორი. www.dictionary.ge. 2010 წ.

2006 წელს ლონდონში, გამომცემლობა „გარნეტის“ მიერ გამოცემული „დიდი ქართულ-ინგლისური ლექსიკონის“ (140 000 სიტყვა-სტატია) სარედაქციო კოლეგიის წევრი (მთავარი რედაქტორი – პროფ. დონალდ რეიფილდი).

1999 – 2004 წლებში ქართული ტელესაკომუნიკაციო კომპანია „იბერიატელის“ ერთ-ერთი დამფუძნებელი და გენერალური დირექტორი. 2004 – 2005 წლებში კი სამეთვალყურეო საბჭოს თავმჯდომარე („იბერიატელი“ დაფუძნდა შვედურ სატელეკომუნიკაციო ფირმა „ერიქსონთან“ მჭიდრო თანამშრომლობით). სამი საერთაშორისო კონფერენციის მონაწილე ახალი ტელესაკომუნიკაციო ტექნოლოგიების დანერგვის საკითხებზე: პეტერბურგში (2003 წელი), შენჯენში (ჩინეთი, 2004 წელი), მოსკოვში (2004 წელი).

ამერიკის ბიოგრაფიის ინსტიტუტის ნომინანტი „2002 წლის ქალი“ მრავალმხრივი მოღვაწეობისათვის როგორც პედაგოგი, ლექსიკოგრაფი და ბიზნესმენი. 

1995 წელს მისი ინიციატივით უნივერსიტეტში დაარსდა „ლექსიკოგრაფიული ცენტრი“, რომელსაც 2008 წელს საფაკულტეტო  სასწავლო-სამეცნიერო ცენტრის სტატუსი მიენიჭა.

2010 წელს შექმნა საავტორო სამაგისტრო პროგრამა „ენა და ლექსიკოგრაფია“, რომელსაც ადმინისტრირებას „ლექსიკოგრაფიული ცენტრი“ გაუწევს და რომლის მიზანია პროფესიონალი ლექსიკოგრაფების კადრების აღზრდა თარგმნითი ევროპულ-ქართული ლექსიკოგრაფიისათვის. 

ამერიკის ბიოგრაფიის ინსტიტუტის ნომინანტი “2005 წლის საპატიო ლაურეატი ინგლისურ-ქართულ ლექსიკოგრაფიაში გაწეული სამსახურისათვის”.


თინათინ მარგალიტაძე
ასოცირებული პროფესორი
 
დასავლეთ ევროპული ენების ინსტიტუტი 2008 წ. | დიზაინი და პროგრამირება: კობა თირქია